25 de novembro

 Dende o Equipo de Convivencia e Benestar proponse a escoita e traballo nas aulas das seguintes  cancións que falan da violencia de xénero e do empoderamento das mulleres.

Pedindo perdón - Tanxugueiras

A veciña do cuarto- Fillas de Casandra

Reina- Ruth Lorenzo e Tanxugueiras

Pano Corado- Tanxugueiras

Mulher Ferrenha- Ivan Vilela e Pablo Castaño

Imos ao concerto: BEETHOVEN, música dende o silencio

 Beethoven naceu en Bonn, Alemaña, o 16 de decembro de 1770, no seo dunha familia de músicos. O avó era mestre de capela  e seu pai músico na corte. 

 Beethoven foi un virtuoso pianista e un ousado compositor. Entre as súas moitas composicións, atopamos 32 sonatas para piano,  5 concertos para piano e orquestra , 9 sinfonías , unha ópera, un ballet e cuartetos de corda, entre outras.

Beethoven nunca casou pero as súas cartas demostran que sufriu moito por causa de varios amores non correspondidos.

Para saber máis sobre Beethoven podes visionar os seguintes vídeos: 

Hai varios biopic sobre a vida de Beethoven, Aquí vos deixo un enlace a unha escea da película COPIANDO A BEETHOVEN (Copying Beethoven) na que, ademáis de escoitar un fragmento da lX sinfonía, poderás ver como era unha sala de concertos no seu tempo.

Era un entusiasta dos ideais da revolución francesa, da liberdade, e por iso admiraba a Napoleón Bonaparte. Pero cando Napoleón se autoproclamou emperador, Beethoven sentiuse traizoado e decepcionado, e eliminou a dedicatoria da súa Sinfonía nº3, que fora pensada para Napoleón. 

 Cando tiña 26 anos apareceron os primeiros síntomas da súa xordeira. Un día, Beethoven espertou cun zumbido (tinnitus). En 1801, aos 31 anos, xa perdera o 60% da súa audición. Intentou ocultar a súa enfermidade e pouco a pouco foise illando da xente. 

 Nos seguintes vídeos poderás escoitar algunha das obras más coñecidas deste gran compositor.

Para Elisa

5º sinfonia. 1º movemento

Flashmob co último movemento da novena sinfonía 

Agrupacións instrumentais: A BANDA

Moi pronto recibiremos na escola a visita da Banda de Ordes que  xunto co alumnado de 5º e 6º ofrecerán un concerto para, con textos de Manuel María, celebrar  o Día das Letras Galegas. 

Fai clic na imaxe para saber máis sobre A BANDA DE MÚSICA 

Os maios

A festa dos maios  rinde homenaxe á chegada da primavera, enchendo de cor moitas vilas e cidades galegas. 

No Castelao xa o temos todo preparado para realizar os nosos maios artísticos e dende a aula de música cantaremos de novo as coplas e cancións que acompañan esta fermosa tradición galega.

Fai clic na imaxe

Ah, vous dirai-je, maman

 Ah!, vous dirai-je maman é unha canción infantil popular en Francia. A melodía ten a súa orixe nun canto pastoral anónimo  de  mediados do século XVIII  que  pasou a formar parte do repertorio habitual de todos os intérpretes de clavicordio do   s.XVIII. 

Moitas composicións clásicas están inspiradas nesta melodía. Destacamos as "Doce variacións" de Wolfgang Amadeus Mozart e a introdución da melodía no tema "Fósiles" do Entroido dos animais de Camille Saint-Saëns.

Doce variación sobre Ah! vous dirai-je, maman de W.A.Mozart 

Fósiles (Entroido dos animais) de Camille Saint-Saëns

 O texto infantil, engadido posteriormente á melodía, fíxose moi popular, e hoxe en día serve para moitas cancións infantís de todo o mundo. Aquí vos deixo un enlace para que escoitedes algunhas delas. Fai clic na imaxe.

Aquí tes a partitura que interpretaremos coa frauta na aula.

 

Músicas

 Cada día son máis as mulleres músicas que enchen o panorama musical  abarcando todos os xéneros e estilos, reivindicando  dereitos e igualdade para as mulleres.

 Para celebrar o 8 de marzo escoitaremos e cantaremos algunhas das súas propostas. 

Ses e Diluvi   E TI SO TI

A banda da loba xunto con varias artistas galegas dannos a súa versión de  MORRA O CONTO

As fillas de Casandra  VARRE VASOIRA

Tanxugueiras e Rut Lorenzo  REINA

E para rematar déixovos este proxecto musical,formado por tres mulleres galegas, que nos achega unha visión nova da música de cámara a través de tres instrumentos: a frauta, o cello e o piano.

Samudra Trío   MUIÑEIRA de Rogelio Groba

 

Os soños na gaiola

 Este año celebraremos o 17 de maio, día das nosas letras, cun concerto da man da Banda de música  de Ordes e a carón dos compañeiros e compañeiras dos outros centros do noso concello.

Interpretaremos sete poemas de Manuel María, recollidos no libro "Os soños na gaiola" e musicados polo cantautor Suso Vaamonde.

Deixo aquí os sete poemas interpretados por Suso Vaamonde para que cantedes e preparedes o concerto.

A FOUCE 

O MEU BARCO

A RODA RODA

O ARCO DA VELLA

O RIO

O LOBO

CARACOL

30 de xaneiro

 Celebramos  o Día da Paz cantando. Podedes lembrar músicas e cancións de cursos pasados nos enlaces que hay na dereita da páxina do blog. 

Comezamos cunha canción de Los secretos con texto en galego realizado polos rapaces de  5º de primaria de Marín  adaptando a letra  á  actualidade. 

Ficar durmido

Vivan las manos de colores   Un canción con moito ritmo para bailar.

Un planeta de Paz

Color esperanza, interpretado por un  coro infantil.

Ogallá a música sexa a mellor das armas para lograr a Paz nestes tempos revoltos.

Celebramos cantando a Paz, pero tamén lle cantamos ao amor no día da Candeloira, 2 de febreiro, cando casan os paxariños.